"İctimaiyyətlə Əlaqələrin İnkişafi" İctimai Birliyi tarixi layihənin icrasına başlayıb

Məzmuna keçin

"İctimaiyyətlə Əlaqələrin İnkişafi" İctimai Birliyi tarixi layihənin icrasına başlayıb

Caucasian Albania
Nəşr olundu dən İctimaiyyətlə Əlaqələrin İnkişafı · 15 a 2022
Tags: vebsaytqədimalbaniyawww
Fevral ayından «İctimaiyyətlə Əlaqələrin İnkişafı» İctimai Birliyi Qədim Qafqaz Albaniyası irsinin elmi veb səhifəsinin hazırlanması layihəsinin icrasına başlamışdır.   Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə  həyata keçirilən layihə Azərbaycanın qədim dövləti  Qafqaz Albaniyasının tarixi, dini-mədəni  abidələri, alban xristian irsi haqqında respublika və beynəlxalq əhəmiyyətli  mühüm elmi nəşrlərin,  arxiv sənədləri və faktoloji materialların vahid elektron bazada toplanması və 3 dildə olmaqla Azərbaycan, ingilis, rus dillərində beynəlxalq elmi ictimaiyyətə təqdim edilməsi, Qafqaz Albaniyası tarixi və mədəniyyəti ilə baglı həqiqətlərin, xüsusilə də işğaldan azad olunmuş  Qarabag və Şərqi Zəngəzur ərazilərində alban abidələrinə qarşı törədilmiş vandalizm aktlarının  beynəlxalq aləmdə tanıdılması məqsədini  daşıyır.

"Rupor" xəbər verir ki, 3 ay davam edəcək layihə  Bakı Beynəlxalq Multikulturalizm Mərkəzi, UNEC Multikulturalizm Tədqiqat Mərkəzi, AMEA A.Bakıxanov adına Tarix İnstitutu,  Arxeologiya, Etnoqrafiya və Antropologiya  İnstitutu kimi elmi qurumlarla əməkdaşlıq çərçivəsində icra ediləcək.

Qafqaz Albaniyası elmi veb saytının hazırlanması İctimaiyyətlə Əlaqələrin İnkişafı İctimai Birliyinin sədri, UNEC Multikulturalizm Mərkəzinin rəhbəri, tarix elmləri doktoru, professor Məhəbbət Paşayevanın koordinatorluğu ilə həyata keçiriləcəkdir. Azərbaycan tarixinin ən zəngin mərhələlərindən olan Qafqaz Albaniyası ilə baglı tarixi həqiqətlərin dünya ictimaiyyətinin diqqətinə çatdırılması, xüsusilə işğal illərində alban etnomədəni irsinə aid maddi-mədəniyyət abidələrinin ermənilər tərəfindən falsifikasiya faktlarının  sərgilənməsi beynəlxalq əhəmiyyət daşıyır və günün aktual problemlərindəndir. Erməni və ermənipərəst alimlər hər zaman təkidlə Qafqaz Albaniyası dövlətinin və alban etnosunun mövcud olmaması ilə baglı dünya elmi ictimaiyyətinə yanlış fikirlər təlqin etməkdədirlər. Bu fikirləri təkzib edən, eyni zamanda Qafqaz Albaniyası irsi ilə baglı tarixi həqiqətlərin əks olunduğu həm yerli, həm də xarici alimlərin elmi nəticələrinin bir elektron mərkəzdə toplanması bu problemin araşdırılmasına böyük kömək göstərə bilər.

Qafqaz Albaniyası tarixi ilə baglı bütün məlumat bazasının toplandığı elektron elmi arxiv rolunu oynayacaq saytdan həm yerli, həm də beynəlxalq elmi ictimaiyyyət, tədqiqatçılar, həmçinin orta və ali məktəb tələbələri, Qafqaz Albaniyasının tarixi ilə maraqlanan hər kəsin bəhrələnmək imkanı  olacaq.

Qafqaz Albaniyası veb  saytının yaradılması İctimaiyyətlə Əlaqələrin İnkişafı İctimai Birliyinin  Qafqaz Albaniyası irsinin tədqiqi və  təbliği işinə  vətəndaş cəmiyyəti institutu kimi bir töhfəsi olacaq.

https://rupor.az/xeberler/39074-ctimaiyytl-laqlrin-nkiafi-ctimai-birliyi-tarixi-layihnin-icrasna-balayb.html?lang=



Saytın məzmunu "İctimaiyyətlə Əlaqələrin İnkişafı İctimai Birliyi" - nin cavabdehliyindədir, bu baxımdan saytın məzmunu Azərbaycan Respublikasının "Qeyri-Hökumət Təşkilatlarına Dövlət Dəstəyi Agentliyi" - nin mövqeyini əks etdirmir.
© 2022 Qədim Qafqaz Albaniyasının rəsmi veb saytı. Bütün hüquqlar qorunur. Sayt AYVUS MMC tərəfindən hazırlanmışdır.
© 2022 Qədim Qafqaz Albaniyasının rəsmi veb saytı. Bütün hüquqlar qorunur. Sayt AYVUS MMC tərəfindən hazırlanmışdır.
Saytın məzmunu "İctimaiyyətlə Əlaqələrin İnkişafı İctimai Birliyi" - nin cavabdehliyindədir, bu baxımdan saytın məzmunu Azərbaycan Respublikasının "Qeyri-Hökumət Təşkilatlarına Dövlət Dəstəyi Agentliyi" - nin mövqeyini əks etdirmir.
Məqaləyə qayıt